Масла што ќе направат чуда за вашата кожа

30 ноември, 20160
6

Методите на чистење на лицето со масло во последно време сè повеќе го привлекува вниманието на јавноста. Иако маслото може да биде причина и за масна кожа, во повеќето случаи тоа сепак дејствува смирувачки и хидрирачки.

Бадемово масло – природен навлажнувач

Бадемовото масло е одличен освежувач на сувата кожа. Брзо се апсорбира и го спречува губењето на влагата, а помага при намалување на подочниците предизвикани од замор. Богато е со витамин Е, кој го успорува појавувањето на брчките. Намачкајте го лицето двапати неделно со бадемово масло и темелно измијте го со вода.

Масло од авокадо – против стареење 

Ова масло е богато со витамините А, Ц, Д и Е, а посебно се препорачува за зрела кожа. Посебно е добро за летните денови бидејќи ја одржува кожата хидрирана. Доколку добиете изгореници од сонце, намачкајте се со масло од авокадо. Втријте го маслото во кожата и оставете го да дејствува, потоа измијте го со вода.

Масло од лаванда – за акни, убоди и изгореници

Маслото од лаванда содржи антисептички својства кои ќе помогнат кожата да се ослободи од акните, мозолките и сличните воспаленија. Ефикасно е и при лечењето на убоди од инсекти.

Масло од морков – за заштита од сонцето

Маслото од морков е богато со бета каротен, а ја одржува еластичноста на кожата и ја намалува штетата настаната од ултравиолетовите зраци. Ги отстранува токсините и на кожата и дава свеж изглед.

Масло од глуварче – за сува кожа

Маслото од глуварче е идеално за испукана и сува кожа. Ги смалува црвенилото, чешањето и брчките.

Leave a Reply

Your email address will not be published. Required fields are marked *