Премалку сон секако не влијае добро на здравјето, но ниту другата крајност не е добра исто така.
Премалку сон секако не влијае добро на здравјето, но ниту другата крајност не е добра исто така. Луѓето кои спијат подолго од десет часа дневно се во полоша здравствена состојба од оние кои се во кревет седум часа, предупредуваат лекарите. Поединечни истражувања покажаа дека секој трет човек припаѓа на групата на оние кои сакаат да се развлекуваат по кревет.
Докторите и понатаму не се сигурни дали долгото спиење е причина, или знак на болест, но тие се сложни околу проблемот што тоа го носи со себе. За почеток, ризикот од кардиоваскуларни болести е поголем за 34%. Потоа, овие луѓе се подложни на здебелување и тоа бидејќи помалку вежбаат, претпоставуваат научниците. Премногу сон, како и премалку, го зголемува нивото на шеќер во крвта, што пак може да предизвика дијабетес. Концентрацијата е значително помала, како и вршењето на секојдневните задачи. Истражувањето дури покажува дека континуирано долго спиење го забрзува стареењето на мозокот и тоа за две години.