Многу дами носат облека во неутрални, пастелни и црно бели комбинации, додека пак некои се одлучуваат да носат на себе боја.
Комбинирањето и вклопувањето на колоритните парчиња е предизвик сам по себе, бидејќи лесно може да се направи грешка. Веруваме дека тоа е причината поради која повеќето од нас се одлучуваат за “сигурни“ комбинации.
За да ви помогнеме да се опуштите при креирањето на колоритниот аутфит ви нудиме неколку модни комбинации.
Ако вашиот фустан е колоритен или со храбар дезен, тогаш останатиот дел од вашата комбинација нека биде монохроматски.
Вклопете ги јарките бои со џинс.
Ако сакате да носите некоја боја која тешко се вклопува со другите, тогаш одлучете се да носите комбинезон во таа нијанса за да не мора да се мачите во спојувањето на горниот и долниот дел.
Ако сакате да носите топ маица во боја во комбинација со сукња со принт, тогаш изберете нијанса која веќе ја има на здолништето.
Одберете една боја и носете ја од глава до пети!
Елечето е одличен начин да додадете живост на неутралната комбинација.
