Чизми над колена – старо нова мода за модерен изглед

Со чизмите над колена, без разлика дали станува збор за чизми со рамни или со високи потпетици, вие ќе изгледате навистина модерно и впечатливо во секоја комбинација.

Чизмите над колена се вистински хит за оваа сезона, а нивната популарност допринесе дизајнерите да понудат навистина широк спектар на модели во најразлични дизајни и бои. Чизмите над колена, во ретро стил, кои беа популарни во осумдесетите, направија вистински камбек на модната сцена.

Чизмите над колена, а особено оние со високи потпетици, визуелно ја изолжуваат фигурата, па затоа се одличен избор доколку сакате да изгледате повисоко и послабо. Изберете од широкиот спектар на модели: кожни, од превртена кожа, лаковани или пак од антилоп. Најчесто ќе ги најете во црна, кафеава, сива или крем боја, но може да ги најдете и во црвена, виолетова, зелена или сина боја, кои може навистина добро да се вклопат во некоја необична комбинација. Сепак, особено за работа и за вечерните излегувања, ви препорачуваме да изберете некоја неутрална боја која ќе можете да ја искомбинирате со повеќе видови облека.