Michelin веќе подолго време планира да го исфрли воздухот од гумите, а со проектот наречен „Висион“, деновите на грижа за притисокот во гумите, истрошените шари или монтажата на соодветен сет зависно од годишното време, би можеле конечно да станат минато.
Michelin гледа иднина во 3D принтањето при изработката на гуми кое ќе донесе целосна промена во тоа како денес гледаме на автомобилските гуми. Концептот е изработен од органски и био-разградливи материјали а со него ќе можеме да заборавиме и на пукањето на гума при возење, бидејќи пневматиците на иднината нема воопшто да содржат воздух, благодарение на внатрешната аргитектура.
Исто така, минато ќе стане и нивното балансирање, често менување, складирање и монтирање.
За жал, за имплементација на вакви супер иновации ќе мора да почекаме. Во случајов, најмалку уште 10 години.
https://www.youtube.com/watch?v=4IDmpXbK-Mk