Саудискиот принц Мансур бин Мукрин загина во пад на хеликоптер, во близина на границата со Јемен, соопшти државната саудиска телевизија.
Во хеликоптерот се наоѓале осум високи функционери од Саудиска Арабија.
Падот на леталото се случува во ден кога властите во Саудиска Арабија спроведуваат голема чистка и акција против корупција, во која се уапсени високи претставници, како и еден од најбогатите луѓе во земјата, милијардерот Валид бин Талал.
Не е познато дали починатиот принц бил предмет на истрагата.
Големата акција е прв потег на принцот престолонаследник Мохамед бин Саламан, кој доаѓа на чело на Комитетот за борба против корупција. Во текот на акцијата уапсени се 11 саудиски принцеви, а најавено е замрзнување на имотот на десетина моќници во земјата.