Деби Вуд е жена која го приморува сопругот со помош на детектор за лаги да одговори дали ја изневерил, секогаш кога сам ќе излезе од дома. Таа боледува од параноја, а во случајов болеста се манифестира со љубомора.
Таа има 42 години, а нејзиниот сопруг 30. Секојдневно му го проверува мобилниот телефон, мејловите и изводите од банка, само за да се уввери дека и бил верен. Уште на почетокот од врската му забранила да гледа телевизиски програми каде има и други жени. А сега, дури и кога ќе излезе до продавница на 15 минути, откако ќе се врати, таа го проверува со детектор за лаги.
Стив признава дека не е лесно да се живее под притисок и дека поради тоа често е нервозен кога треба да седне на детектор, па срцето забрзано му лупа што може да резултира во погрешни резултати. Сепак, тој смета дека тие се сродни души и дека нивниот заеднички живот и љубов се посилни од ова.