Трендовските кармини за 2018 година се премногу различни за да можеме смело и категорично да ги издвоиме водечките. Боите за топлата сезона варираат од интересна портокалова до драматично кафена иако меѓу нив постојат и ладни нијанси како што е виолетовата. Меѓутоа, омилени бои меѓу трендовите на декоративната козметика за усни се нијансите на црвена и розова. Некои од нив се живи, други пастелни. Тие се слатки, женствени и впечатливи. Идеален коктел од убавина и сензуалност за летото.
