Наместо да купувате скапи козметички препарати сами можете да подготвите природен и ефикасен лосион со кој ќе ги отстраните пегите и флеките од вашето тело.
Пегите и флеките се појавуваат кога кожата старее и кога неправилната пигментација станува видлива. За да се справите со нив, не ви се потребни скапи козметички препарати. Можете сами да подготвите ефикасен лосион од магдонос и лимон.
Потребно ви е: 1dl сок од лимон, 2 лажици листови од свеж магдонос, 1,5dl дестилирана вода и 0,5dl 70% алкохол.
Исецкајте ги листовите од магдонос и прелијте ги со дестилираната вода и алкохол. Промешајте ја смесата, поклопете ја и оставете ја да одстои во текот на ноќта. Следниот ден смесата исцедете ја, додадете го лимоновиот сок и течноста ставете ја во стаклено шише. Шишето чувајте го на ладно и темно место. Лосионот нанесувајте го секое утро.