Зашто, сигурно имате две минути …
Само неколку минути интензивен тренинг може да го замени долгиот тренинг со умерен интензитет.
Ако за физичка неактивност изговор ви е дека немате време, можеби треба да побарате нов изговор, или уште подобро, да започнете да тренирате. Нема потреба да се нагласи колку физичка активност е важна за здравјето, тоа веќе го знаете.
Добра вест за оние кои немаат време е дека научниците од Викторија универзитетотво Австралија утврдиле дека две минути интензивен тренинг на собен велосипед исто така добро влијае на телото како 30 минути поспоро возење.
Со оглед на тоа што луѓето имаат повеќе обврски и се помалку слободно време, често е тешко да се издвои време за тренинг. Сепак, две минути навистина не се многу, а се чини дека можат да влијаат на вашата кожа и здравје.
Она што е интересно е дека повеќето гледаат во огледало за да утврдат дали и колку е ефикасен тренингот. Научниците, од друга страна, ги гледаат клетките.
Вежбањето има многу важни ефекти врз митохондриите, кои испуштаат енергија врз нашите клетки. Како старееме, митохондриите се забавуваат и со текот на времето произведуваат помалку и помалку енергија, а и ние постепено забавуваме.
Меѓутоа, физичката активност ги “оживува” митохондриите, а ова истражување покажа дека тоа се случува побрзо отколку што мислиме.
Уште повеќе, вежбањето исто така им дава сигнал на митохондриите да се размножуваат, што значи дека во телото се создава повеќе енергија за клетките .
“Ова истражување може да ни помогне подобро да разбереме како вежбањето може да ја подобри метаболичката здравствена состојба, дури и кај многу мрзеливи луѓе,” велат авторите на студијата.
Значи, јасно е дека доколку имате за цел да ослабнете, овие две минути интензивен тренинг сигурно нема да ви бидат доволни, но кога станува збор за метаболичко здравје – се доволни.