Принцот Harry откри дека планира да има најмногу две деца поради неговата зголемена грижа за иднината на Земјата.
Разговарајќи со активистката и експерт за шимпанза Jane Goodall, за специјалниот број на британскиот Vouge, војводата од Сасекс на прашањето колку деца планира да има со сопругата Meghan, одговори „најмногу две“, пренесува CNN.
„Со оглед на тоа колку сме интелигентни и колку еволуиравме, тогаш би требало да оставиме нешто подобро за идните генерации“, рече Harry.
Британскиот принц човештвото го спореди со жаба во врела вода, истакнувајќи дека тоа било страшно.Тој призна дека неговиот став кон планетата се сменил по раѓањето на принцот Archie, но дека секогаш сакал да се обиде да ја спаси планетата, дури и пред да планира да има деца.
Кога Goodall го предупреди дека не би требало да има премногу деца, принцот Harry повтори „најмногу две“, но не прецизираше дали неговата сопруга се согласува со овие планови.