Ева Лонгорија им се спротистави на правилата

Ева Лонгорија веќе со години е присутна на црвениот тепих и го привлекува вниманието на присутните со внимателно избраните креации во кои таа се појавува, но нејзиното последно појавување на Канскиот фестивал беше различно од сите досегашни.

Имено, 44-годишната актерка направи револуција кога наспроти строгите правила се појави со нејзиниот сопруг, медиумскиот магнат Пепе Бастон и нивниот 11-месечен син, Сантијаго.

Наследникот на прекрасната актерка беше апсолутна ѕвезда на вечерта. Тој беше идентично облечен како неговиот татко, па затоа може да се каже дека актерката овој пат беше во втор план.