Научно докажано: Машкото его се чувствува загрозено од женската интелегенција

Ќе излажеме ако кажеме дека сме изненадени.

Несомнено е дека повеќето мажи сакаат нежни, мили и женствени жени. Можете ова да го негирате колку и да сакате, но факт е дека било кој маж повеќе би сакал да биде со нежна, отколку со силна алфа жена.

Ова е така уште од праисториските времиња и регистрирано е во ДНК-то на човечкиот род, а поврзано со репродукцијата како целта на нашето постоење. Иако ова (избор на женски партнер) е програмирано во нивниот генетски код, останува прашањето … Дали мажите ги привлекуваат понежните жените поради генетска предиспозиција да бидат „посилниот пол“, или се чувствуваат загрозени ако жената е попаметна, помоќна од нив?

Сите научни истражувања на оваа тема добија слични резултати – прво, процентот на мажи кои се согласија на врска со жена, која мислат дека таа е попаметна од нив е дури и помал отколку што се очекуваше, а второ, повеќето од мажите изразија восхит кон алфа жените во теорија, меѓутоа во контекст на романтична врска повеќето не беа заинтересирани.

Покрај тоа, повеќето мажи рекле дека би биле со попаметна жена, но кога им биле прикажани конкретни коефициенти на интелегенција, тие се предомислиле. Едно друго истражување, кое се занимава со тоа како се чувствуваат мажите кога ќе ги надмудри жена, покажа дека не ги допира, ако не се работи за нивната партнерка.

Со други зборови, паметните жени се навистина опасни за машкото его, затоа тие се обидуваат да избегнат каква било лична поврзаност со нив. Меѓутоа, ако веќе сте се сретнале со такво машко однесување и се сметате за алфа жена, тоа не значи дека нешто не е во ред со вас. Напротив, вие сте фантастични и во никој случај не треба да се менувате за да им се допаднете на другите или да се согласите на помалку отколку што заслужувате.