Се ожени Џуд Ло: Невестата во мини, младоженецот со шешир

Најпопуларниот британски ерген застана на лудиот камен.

Актерот, Џуд Ло (46), по четири годинишна врска, се заколна на вечна љубов со психологот Филипа Коан (32).

Иако се шпекулираше дека ќе има раскошна свадба и ќе се одржи некаде на некоја романтична локација во Франција, парот се венчаше на интимна церемонија во Лондон.

Според печатот на британските магазини, на свадбата не присуствувале познатите пријатели на Џуд Ло, туку само најблиските роднини и пријатели.

Пред Филипа, Ло беше во брак со актерката Сејди Фрост, со која има три деца, додека уште две деца доби за време на врската со моделот Саманта Бурк и музичарката Кетрин Хардинг. Исто така долго време беше во врска со неговата долгогодишна колешка, Сиена Милер.