Aeродромот во Рим Фиумичино е првиот во Европа што воведе „паметни кациги“ за мерење на температурата за да се спречи ширење на корона вирусот.
Станува збор за преносни мерачи на температура или термички скенери во облик на шлем што им овозможуваат на вработените во аеродромот да ја мерат телесната температура на патниците на терминалите на безбедно растојание до седум метри.
Во случај уредот да определи температура над 37,5, ќе следи медицински преглед.
Тоа е дел од активностите според планот на аеродромот „Фиумичино“ за нормализирање на воздушниот сообраќај што е можно поскоро, со максимална здравствена безбедност на патниците.