Од 15 јуни, Грција ќе ги отвори своите граници за граѓаните на Србија, најави денеска министерот за надворешни работи, Ивица Дациќ,а и Македонија треба да го стори истото, доколку тоа го дозволат епидемиолошките услови, а секако дека ќе се отворат до крајот на месецот.
-“Имаме договор за слободен премин со БиХ, како и со Унгарија и Бугарија. Грција најави дека ќе го примени од 15 јуни. Затоа е важно да се види со Македонија во која насока ќе продолжи и дали луѓето ќе можат да патуваат” – рече Дачиќ во Ниш, каде се сретна со својот колега од Македонија, Никола Димитров. Тој рече дека тие разговарале за олабавување на мерките за корона вирусот.
– “Плановите на Македонија за мене се важни, затоа што нашите планови се јасни – ги отворивме границите, сите странци и граѓаните на Македонија, можат слободно да поминат и да дојдат во Србија, без тестови и изолација, освен ако немаат симптоми на болеста”- рече Дациќ.
Тој додаде дека, имајќи предвид дека ниту Србија ниту Македонија не се „изолирани острови“, важно е да се систематизираат сите одлуки и да се знае кој има какви прописи во регионот, затоа што тоа е она што најмногу ги интересира луѓето. Дачиќ исто така изјави дека Србија и Македонија сакаат да продолжат таму каде што застанале и да ги зајакнат односитe. Тој исто така рече дека разговарале за отстранување на сите непотребни пречки во која било област и потсети на иницијативата „мини Шенген“.
– “Во принцип, треба да се обидеме да пронајдеме заеднички јазик, имајќи ја во предвид богатата историја на нашите односи и пријателството на нашите народи.” – рече Дачиќ.
Тој вели дека Србија ја поздравува одлуката на ЕУ да ги започне преговорите за членството на Македонија и посочува дека целиот процес треба да оди побрзо.
– “Но, тоа е многу тешко.” – додаде Дачиќ.
Димитров додаде: “Разговаравме за ЕУ “- и Дациќ на шега рече: “Штом ја спомнав ЕУ, тие веднаш ме предупредуваат”.
– “Сè е во ред, ние ја поддржуваме ЕУ” – додаде Дачиќ.
Дачиќ рече дека му е драго што се состанале и дека ќе продолжат билатералните состаноци, како и што тој ќе биде во Италија утре, а во Грција денот потоа, каде ќе разговара со грчкиот министер Никос Дендијас.
– “Меѓу другото, планираме и да направиме трилатерална средба Грција – Македонија – Србија, која Дендијас планира да ја направи во Крф” – рече Дачиќ.