Британската актерка Џуди Денч (85) стана најстарата насловна ѕвезда во историјата на британскиот „Вог“.
Имено, една од најдобрите и најпочитувани англиски актерки, која исто така беше наградена со Оскар, позираше во цветна маица со потписот „Долче и Габана“.
Фотографијата е направена во нејзиниот дом пред да се воведат мерки за изолација во Велика Британија, пишува „Гардијан“.
Во интервјуто, таа зборуваше за вирусот корона, опишувајќи ги нејзините искуства за самоизолација.
“Сигурна сум дека при самоизолација се чувствувам како и сите други. Ваквите невидени времиња се доста тешки за разбирање. Позитивната работа е што луѓето станаа повеќе свесни за тешкотиите на другите луѓе кои се сосема сами. Ако резултатот од оваа состојба е многу добрина, ќе биде добра работа “, рече таа, додавајќи дека не планира да замине во пензија дури и по скоро 60-годишна кариера.
Да потсетиме, Џуди Денч ја започна својата кариера во 1957 година, таа ги играше ликовите на Шекспир во бројни театарски претстави, а го освои Оскарот за најдобра споредна женска улога во филмот „Shakespeare in Love“.