Угледниот германски вирусолог Кристијан Дростен предупредил на втор бран од коронавирусот кој може да се случи зимоска.
Шефот на институтот за вирусологија од Берлин во една изјава кажал дека пандемијата не смее да се смета за победена.
– Се наоѓаме среде развој, ако не и на почетокот- кажал Дростен.
Зборувајќи за различните начини на борба, на постепеното попуштање на мерките, тој изјавил дека Авсртија имала построги мерки од Германија.
Кога станува збор за Шведска која отиде по сопствен пат, тој навел дека таму претстојат промени на ставот заради зголемениот број на смртни случаи.
Тој советува луѓето да седат на отворено што е можно подолго, а да не седат во затворени простории.
Дростен го споредил новиот грип со шпанскиот грип.
Тој вели дека оваа пандемија не може да се споредува со сезонскиот грип.
Дростен очекува релаксација во летниот период, но зимата би можела да донесе и втор бран, кој би можел да биде посилен од актуелниот.