Хит чевлите на Сара Џесика Паркер се лек за секој здодевен аутфит!
Можеби ја памтите во зачудувачки потпетици како Кери Бредшо, но деновиве актерката Сара Џесика Паркер носи удобни, ниски чевли од сопствената колекција кои се комплетен контраст со моделите од „Сексот и градот“.
Сара Џесика Паркер ја отвори својата водечка продавница за чевли во центарот на Менхетен на почетокот на јуни, која редовно ја посетува.
Во неа, таа често комуницира со клиентите и им помага во изборот на чевли, пишува Грација.
Деновиве, папараците ја фатија пред продавницата, во обичен летен фустан и зелени кадифни чевли со ниска потпетица.
Во комбинацијата додаде ташна со розев појас.
Сара ја промовираше првата линија чевли на почетокот на 2014 година, а цените на новите модели се околу 400 американски долари.
Во SJP линијата се достапни ниски чевли и со високи потпетици, а скоро сите модели се изработени од сатен.