Помфритот сигурно е една од омилените ужини, како на децата, така и на возрасните.
Но, општо е познато дека компирот кој се подготвува на таков начин не е баш најздравиот избор.
Затоа ние ви нудиме идеално и превкусно, диетално решение! ПОМФРИТ ОД ТИКВИЧКИ!
Овој помфит се подготвува многу лесно и можете да уживате во неговиот вкус без да имате грижа на совест.
Состојки:
2 тиквички
½ чаша пармезан
1 кафена лажичка оригано
1 кафена лажичка босилек
1 кафена лажичка мелена црвена пиперка
Малку ситно исечкан магдонос
½ кафена лажичка лук во прав
Сол и бибер
Подготовка:
Исечете ја секоја тиквичка на четири дела по должина, за да ја добиете формата на помфритот. Во мал сад, истурете оригано, босилек, црвена пиперка, магдонос и лук во прав, а потоа сите зачини измешајте ги со пармезан. Потоа загрејте ја рерната на 170 степени. Извалкајте ги исечканите тиквички во мешавината од зачини и редете ги во плех обложен со хартија за печење. Ставете ги тиквичките во загреаната рерна да се печат околу 15-20 минути или додека не добијат жолтеникава боја.
По желба, можете да ги извалкате и во презла и јајце т.е. е да ги поховате, но секако се превкусни и без тоа.
Најдобро е да се сервираат со кечап. Изберете некој со најмалку калории!
Пријатно!