Италијански готвач советува: Единствениот БОЛОЊЕЗЕ рецепт што некогаш ќе ви биде потребен!

Иако многумина веруваат дека болољезе може да се направи релативно брзо, повеќето готвачи се согласуваат дека за ова јадење е потребно време и дека тајната на добриот вкус лежи во долгото готвење.

Италијанскиот готвач Стефано Сила, кој работи со кујна во италијанскиот ресторан Bancone во Англија, го сподели најдобриот рецепт за болоњезе и вели дека никогаш повеќе нема да ви треба друг.

За најдобар можен вкус, тој препорача да набавите месо со малку поголем процент на маснотии, а исто така потенцираше дека е исклучително важно да се вари сосот подолго време, пишува Huffpost.

(За четири лица, време за готвење околу 3 часа и 30 минути.)

Состојки:

1кг говедско мелено месо со 15% масленост

250гр свинско мелено месо со 15% масленост

1 голема главица кромид

2 моркови

100гр целер

1 гранче рузмарин

1,5л пасирани домати

100мл маслиново масло

200мл квалитетно црвено вино

Сол

Бибер

Шпагети

Подготовка:

1. Исечете го целиот зеленчук на мали коцки. Во длабоко тенџере, ставете маслиново масло и зеленчук, гранче рузмарин и започнете да ги варите на средна топлина околу 5 минути.

2. Додадете го целото месо, вклучете го на силен оган и варете со повремено мешање, додадете сол и бибер.

3. Штом месото е затворено, извадете го рузмаринот, додадете го црвеното вино и оставете алкохолот да испари.

4. Додадете го сосот од домати и оставете го да се динста на тивок оган најмалку три часа и 30 минути. Мешајте го сосот на секои 10 или 15 минути за да не се залепи на дното на садот. Зачинете уште и додадете малку сол и бибер.