Се смета дека Нострадамус предвидел многу светски настани, вклучувајќи ја и пандемијата со корона вирусот. Но, што мислел кога рекол дека 2020 година ќе биде „близначка година“?
Во 1551 година го напишал следново:
– ќе дојде годината на близнаци (2020) во која ќе се појави кралица која ќе дојде од исток и ќе ја шири чумата во мракот на ноќта на земјата од 7 ридови за да го уништи светот. Тоа ќе биде крај на светската економија, онаква каква ја знаете – наводно напишал Нострадамус во своите пророштва.
Се претпоставува дека „кралицата“ е корона вирусот, а „земја со 7 ридови“ е Италија, додека „правот“ е смрт.
Дали треба да се верува на пророштвата на Нострадамус? Брајан Данинг, автор на подкастот „Sceptoid“, смета дека предвидувањата на Нострадамус се голема заблуда кои сличајно се совпаѓаат со светските настани, како и тоа дека неговите записи се грубо толкувани.
– Неговите записи погрешно се толкуваат. Нејасни и погрешни преводи, креативни интерпретации се главната одлика на овие толкувања, а всушност е интересно што Нострадамус бил безвременски човек и светло во неговото време. Да се измислат толкувања на неговите извонредни дела е непочитување на урбаната легенда и неговата личност. Ценете ги неговите придонеси за медицината, ренесансната литература и не ги тривијализирајте неговите добри дела во корист на паранормалните магични сили – истакнува тој.
