Прототипот на рускиот суперсоничен деловен авион на новата генерација ќе биде направен врз основа на добро познатиот борец МиГ-29, инаку главен авион во инвентарот на српските воздушни сили.
– Експерименталниот авион е поевтин и полесен за градење врз основа на постојниот модел, затоа што главната цел во експериментот е да се провери правилниот избор на клучните параметри: аеродинамична форма, распоред, форма и големина на млазниците и другите делови на авионот – рече директорот за РИА Новости, од Рускиот Централен аерохидодинамички институт Кирил Сипало.
Според пресметките на тој институт, со потребното финансирање, прототип на таков авион ќе се појави до 2023 година.
Миг-29 е руски суперсоничен борец со повеќе улоги од четвртата генерација, кој е во производство уште од 1982 година, потсетува Rusia Beyond.
Во основната верзија, станува збор за авион со едно седиште, со можност за носење товар (бомби, ракети и други смртоносни средства) од 2.180 килограми. Максималната брзина на авионот е 2.440 километри на час, а опсегот на летот со дополнителни резервоари е 2.100 километри.