Среде епидемија на вирусот корона , автомобилски премиери практично нема, па преработениот Lexus LC ги развесели многу љубители на автомобили, особено оние кои сакаат класични модели на купе, вид што скоро и да го нема.
LC беше воведен пред три години, а ова е прв нејзин темелен редизајн. Изгледот на овој атрактивен луксузен модел тешко дека е променет, но Lexus нуди нови бои за каросерија и ентериер и нови бандажи со дијаметар од 20 инчи. Исто така, има засилен мултимедијален систем кој сега нуди и Apple CarPlay и Android Auto.
Промените под каросеријата се многу потемелни и треба да донесат многу поголемо задоволство при возењето. Со употреба на полесни материјали, Lexus ја намали тежината на автомобилот за 10 килограми, што со промените во суспензијата ќе придонесе за малку подобри перформанси при возењето. Active Cornering Assist исто така, придонесува за задоволство при возењето, овозможувајќи со агресивното возење побрзо и побезбедно да ги поминете кривините. Подобрен е и автоматскиот менувач кој сè уште има неверојатни 10 брзини.
Опсегот на моторот се состои од голем бензин и хибриден систем. Бензинскиот мотор е V8, со зафатнина од пет литри и моќност од 477 КС и доаѓа во комбинација со споменатиот 10-степен автоматски. Хибридниот систем комбинира 3,5-литарски бензински V6, два електрични мотори и CVT менувач, со моќност од 359 КС. Со помоќниот бензински мотор, LC забрзува до 100 км на час за 4,7 секунди, а со хибридот за пет секунди.
Новиот LC на пазарот доаѓа ова лето, но цената сеуште не е позната.
