Глобалната трка за производство на вакцина против корона вирусот може да ја влоши ситуацијата, пренесуваат британските медиуми.
Експертите во рамките на Светската здравствена организација тврдат дека оваа трка може да доведе до развој на повеќе неефикасни вакцини, а со тоа и влошување на состојбата!
Во Велика Британија беше објавено дека Министерството за здравство ќе го „турка“ процесот на примена на вакцината, што многумина го протолкуваа како да не поминува низ сите проверки. Доналд Трамп исто така им соопшти на Американците дека вакцината ќе ја добие пред претседателските избори закажани за 4 ноември, што значи дека ќе биде достапна за нешто повеќе од два месеци.
„Распространетата употреба на вакцина што се покажа дека не заштитува доволно може да ја влоши пандемијата. Ако државите погрешно претпоставија дека вакцината штити многу повеќе отколку што навистина штити, или ако вакцинираните погрешно веруваат дека се имуни, вирусот може да се прошири побрзо.
Епидемиологот од Универзитетот во Оксфорд, професорот Ричард Пето, се согласува со ова, велејќи дека „брзањето“ на вакцината може да постави многу опасен преседан.
“Премногу се брза, делумно мотивирано од капитализмот, делумно од политиката, да се регистрираат првите вакцини. Ни треба вакцина која функционира, а не најбрзо што можеме да ја добиеме. За ефикасност се потребни истражувања и докази, а трките да се направи сето тоа брзо да се случи го загрозува процесот на проценка на идните вакцини “, рече тој.