Жените често ги менуваат своите хормонални статуси и структурите на мозокот
Промената на апчиња за контрацепција може негативно да влијае на вашиот сексуален живот, предупредуваат експертите.
Докторите Андреа Мелцер и Џулијана Френч од Универзитетот во Флорида спроведоа интересна студија за влијанието на апчињата за контрацепција врз сексуалниот живот на партнерот, кога дојдоа до зачудувачки резултати.
Покрај тоа што хормоните можат да влијаат на изборот на партнер, тие откриле дека жените најверојатно ќе го сметаат својот партнер за „помалку привлечен“ ако престанат да земаат контрацептивни пилули или да преминат во различна форма на контрацепција.
Исто така, д-р Андреа и д-р Џулијана рекоа дека контрацепцијата може да има силен ефект врз женските емоции. Тимот открил дека пилулата кај жените има долготраен ефект на таканаречените „пивски наочари“, односно влијае сексуално да ги привлекуваат луѓе кои инаку не би биле привлечни за нив.
– За време на долгодишните романтични врски, жените започнуваат и престануваат да користат хормонални контрацептиви неколку пати, а со тоа редовно ги менуваат своите хормонални статуси и структурите на мозокот. Ваквите промени можат да бидат штетни за нивните сексуални односи – истакнуваат авторите.
Нивната студија проучувала 203 жени од хетеросексуална ориентација, и тоа четири години по бракот. Од нив било побарано редовно да ги бечежат апчиња што ги земале – без разлика дали станува збор за комбинирана контрацептивна пилула или онаа што содржи само прогестерон.
Пилулата ги потиснува хормоните кои ја контролираат плодноста, користејќи синтетички хормони.
– Хормоналните контрацептиви ги менуваат мозочните структури кај жените, така што жените кои ги користат имаат повеќе сива материја во мозокот, т.е. во префронталниот кортекс, пред и постцентралното жири и долните париетални лобули – објаснуваат авторите.
Нивните откритија сугерираат дека жените кои престанале да земаат контрацептивни средства по склучување на брак или ги менувале, доживеале пад на сексуално задоволство, во споредба со оние на кои не им биле препишани апчиња.
Двајца истражувачи работеле на безброј проекти поврзани со сексуалните односи. Другите студии на оваа двојка претходно покажаа дека контрацепцијата може да ги наруши односите, па дури може да предизвика и нивно пропаѓање.