Најмладата милијардерка Кајли Џенер си купи нов дом, комплекс од 36,5 милиони долари. Луксузната вила со зачудувачки цена, која ја купила Кајли е во Холмби Хилс, Лос Анџелес, и е една од најлуксузните населби во „градот на ангелите“.
Комплексот од 1788 квадратни метри постојано е под силно обезбедување, има отворено и затворено кино, бар и теретана, раскошен базен. Вилата има седум спални соби и 14 купатила, како и два луксузни апартмани.
Кајли успеала да ја спушти цената за 10 милиони долари, со оглед на тоа дека првичната цена била 46 милиони долари, пренесува TMZ.
Во купувањето на овој дом и помогнал агент за недвижнини со кој и претходно соработувала, а сопственичката на царството за козметика ќе се пресели таму во самоизолација со нејзината ќерка и поранешното момче Тревис Скот.
