Диего Марадона и Росио Олива беа во врска шест години, сè додека тој не ја избрка од куќата што ја купил самиот
Поранешната фудбалерка 30-годишната Росио Олива беше последната девојка со која починатиот Диего Марадона беше во врска, која заврши со голем скандал.
И покрај ова, Олива се опрости од него на социјалните мрежи, каде објави неколку нивни фотографии.
„Збогум, мој Диего“, напиша таа покрај едната од нив каде нежно го бакнува на образот.
По тажниот настан, Росио се појави и на една аргентинска телевизија, во чие шоу изјави дека поранешната сопруга на Диего, Клаудија и другите членови на семејството, не и дозволувале да дојде на организираното бдеење.
“Ме боли што не ме пуштаат, го повредуваат и Диего. Јас сум неговата последна партнерка, имам исто право да се збогувам со него како и сите други. Не знам зошто ми го прават ова, не провоцирам никого. Диего беше моето поранешно момче, сакам да му кажам збогум, морам да го сторам тоа. Тој сакаше да бидам таму до последниот здив. Само ние знаевме каква врска и љубов имавме, и колку бевме вљубени”, рече таа во солзи.
Таа додаде дека Диего ќе остане запаметен по големото срце и љубовта што ја чувствуваше за животот.
Тие се запознале во 2012 година, а две години подоцна се свршиле и по тој повод организирале забава во еден од најлуксузните хотели во Рим. Отпрвин изгледаа како совршен пар, и Олива е поранешна професионална фудбалерка која играше за многу аргентински клубови, па тоа дополнително ги поврза.
Но, наскоро во јавноста се појавија гласини за нејзината поранешна врска со еден хулиган осуден за убиство на навивач, со кого имала и деца, кои Диего никогаш не сакаше да ги признае. Таа, наводно, го убедила да направи естетски зафати со лицето, а нивната идила најпрво била нарушена кога тој физички ја нападнал затоа што, според него, таа премногу телефонирала, а видеото од конфликтот дури протече во јавноста.
Диего тогаш негираше сè и се обиде да ја намали штетата со тоа што го истетовира нејзиното име на неговата рака. Но, проблемите почнаа да се следат еден по друг. Јавните расправии и испади станаа чести, а тој исто така ја обвини за кражба на накит од неговиот стан во Дубаи. Тогаш и таа беше уапсена, но ги отфрли сите обвиненија и случајот заврши на суд.
Во декември 2018 година, Диего ја избркал од куќата што и ја поклонил.
Двојката еднаш ја посети Хрватска заедно, во 2016 година кога беа гости на Дејвис Купот во Загреб.
Диего претходно беше оженет со Клаудија Виљафана, со кого се ожени во 1984 година, а тие се разведоа во 2004 година. Тие имаат две ќерки Далма Нере и Гвана Динора, а во 2004 година тие поднесоа барање за развод. Ќерката Далма тогаш изјави дека разводот е најдобра опција за целото семејство и дека нејзините родители останале во одлична врска. Тие често патувале заедно и секогаш биле подготвени да фотографираат и да кажат дека се вистинско семејство, и покрај сите несогласувања.
Со учителката Вероника Охеда во 2007 година, тој го доби синот Диего Фернандо Марадона Охеда, а ја има и 17-годишната ќерка Јана Марадона.
Диего Марадона почина на 61 година од последиците од срцевиот застој, и ќе остане запаметен како еден од најдобрите фудбалери на сите времиња.