Иако поминаа повеќе од 40 години откако ја започнаа љубовната врска и 15 години откако ја озаконија, Чарлс и Камила и понатаму ги полнат британските таблоиди.
Денес, Daily Mirror потсети на првите денови од бракот на принцезата Дијана и принцот Чарлс, кој уште на медениот месец почна да се распаѓа.
Во подготовка е документарец за идниот крал на Велика Британија во кој кралскиот биограф Ричард Фицвилијамс кажува дека Чарлс уште на медениот месец со Дијана носел манжетни со две букви К, кои му ги подарила Камила.
Дијана, за неговата врска со Камила која всушност никогаш и не ја прекинал, дознала само неколку дена пред венчањето. Тогаш, во канцеларијата на приватниот адвокат на Чарлс, Мајкл Колборн, пронашла пакет со нараквица. Принцезата побарала да види што има внатре и открила нараквица со гравирани букви Г и Ф кои ги означуваат имињата Глејдс и Фред – прекари кои Чарлс и Камила ги користеле еден за друг.
