Како што ексклузивно објави „Entertainment Weekly“, потрагата по актери за новата серија, која ќе биде еден вид приказна пред сторијата на „Game of Thrones“, официјално започна вчера. Заплетот опфаќа период од 150 години, а се одвива пред скоро 300 години од периодот што го видовме во првата серија. Централниот настан треба да биде големата граѓанска војна што скоро го уништи Вестерос.
Автори на новата серија се Рајан Кондал, познат по сериите „Колонија“ и Мигел Сапошник, режисерот на признатите епизоди на оригиналните „Борба на копилињата“ и „Зимски ветрови“. Сапошник ќе ја режира и пилот-епизодата. „EW“ известува дека премиерата на серијата „Куќа на змејот“ е планирана за 2022 година, кога пандемијата на коронавирус, сите се надеваат, ќе биде само грда меморија. Според сегашните информации, првата клапа треба да се случи на почетокот на следната година во Велика Британија и Шпанија.