На денешен ден пред 27 години, хрватскиот кошаркар Дражен Петровиќ загина во сообраќајна несреќа во Германија.
Петровиќ загина кога неговиот автомобил удри во цистерна која излезе на автопатот. Позади воланот беше неговата тогашна девојка Клара Шаланци, а позади неа седеше нејзината пријателка Хилал Едебал. Петровиќ, кој седел на сувозачкото седиште, немал ставено сигурносен појас и спиел во моментот на судирот. Поради силата на ударот, Петровиќ излетал преку шофершајбната и загинал на лице место. Едебал се здобила со повреди поради кои мораше да ја напушти кошарката, а се уште ги чувствува последиците затоа што има проблеми со меморијата.