Редовното хидрирање на телото, меѓу останатото, го одржува нормалното функционирање на мозокот и работата на цревата, додека дехидрацијата може да предизвика разни краткорочни и долгорочни проблеми, а за што точно станува збор, прочитајте во продолжение.
Темна боја на урината – Бојата на вашата урина ќе ви открие дали сте дехидрирани. Здравата боја на урината е бледожолта или проѕирна. Ако сте дехидрирани, може да стане потемна или заматена, затоа што е помалку разредена. Тоа е знак дека треба да се напиете чаша вода.
Желба за благо – Особено се јавува во попладневните часови, а причината за нејзиното јавување е тоа што црниот дроб, се “мачи” да го претвори гликогенот во глукоза (шеќер), поради тоа што немаме внесено доволна количина на вода во телото.
Глад – Ако и по јадењето чуствувате глад, виновник може да биде дехидрираноста. Умерената дехидрација, телото често ја толкува како глад, па често посегнуваме по уште некој залак, а всушност на организмот му е потребна само една чаша вода.
Сува уста – Сува или леплива уста е еден од најлогичните знаци за дехидрираност. Причина може да бидат лекарства или стареење, но во секој случај вреди да се проба проблемот да се реши со вода.
Главоболка – Главоболките предизвикани од дехидрација на телото, можат да бидат со различен интезитет, од тапи и благи до исцрпувачки. Поради тоа, мозокот полека се повлекува од черепот, предизвикувајќи го ова непријатно чуство. Откако ќе се напиете вода, главоболката би требало да ја снема.