Тој објави вест на влезна врата од сите негови згради што разбуди насмевка на лицата на сите негови кираџии. Сопственикот од Бруклин најави дека ќе се откаже од киријата за април поради пандемијата која владее во цел свет. Замислете, тој има вкупно 200 кираџии.
На 30ти март, Марио Салерно (59) го напиша ова: „Поради пандемијата на коронавирус што нè зафаќа сите, не треба да ја плаќате кирија за месец април“.
Поважно му е нивното здравје!
Салерно поседува 80 станови распоредени низ Вилијамсбург и Гринпоин. Тој ја донесе одлуката, откако слушнал од повеќе станари дека имаат финансиски проблеми поради вирусот.
На прашањето колку би бил во загуба, сопственикот на становите одговори дека е поважно здравјето на луѓето. „Сакам сите да бидат здрави“, рече тој. „Само тоа е важно“.
Станарите го фалат!
Роден во срцето на Вилијамсбург на авенијата Метрополитен, Салерно наследи бензинската од неговиот татко и стана добро позната личност во заедницата. Тој изјави за NBC дека за нив е поважно во овие времиња луѓето да бидат здрави и да не се гладни. „Не се грижите за да ми платите мене, грижете се за својот сосед и за вашето семејство“, рече тој.
Кајтлин Гутески, една од неговите станари, беше принудена да затвори фризерски салон заради пандемија и оттогаш е без приходи. Не знаеше како ќе ја плати киријата и веќе се плашеше дека ќе мора да се врати да живее со родителите. „Тој е Супермен! Прекрасен човек “, рече таа за својот сопственик.