Покрај идеалната локација и добро друштво, не ви треба многу за добар пикник.
Храната е секако еден од главните фактори, особено онаа што ќе ја подготвиме брзо, а сепак ќе биде нешто попосебна од онаа што можеме да си ја дозволиме поинаку. Покрај тоа, добро ќе ни дојде освежување од вода со лимон во термос што ќе ја задржуви ладна, сончање, ќебе, нож, отварач за шишиња ако носите пива и тоа е тоа. Но, бидејќи подготовката на храна одзема најмногу време, еве неколку брзи и убави идеи за вас и вашето друштво.
Сендвичи
Одстапете од обичните и подгответе сендвичи со парчиња од сочен бифтек, туна или пржено пилешко и добро зачинете. Препорачуваме рукола, печени пиперки и тиквички. За да биде уште посочно, додадете малку сенф или павлака и мајонез, комбинација од маслиново масло и зачини или песто. Ако обрнувате внимание на внесот на јаглехидрати во организмот, користете тортилја наместо леб или колачи.
Салати
Зошто да останеме само на сендвичи, кога изборот на салати е толку голем? Кускус салата; салата од компири, кромид и сенф; пролетна комбинација на млад грав и кромид зачинети со маслиново масло; Салата од моркови, рендана зелка, павлака и сок од лимон; туна салата со тестенини. Направете неколку и ставете ги во различни чинии.
Пити или штрудли
Брзите и фини комбинации на разни зеленчуци, сирење, зачини и сувоменати производи во солена пита, quiche или штрудли се одличен избор за вакви излети.
Мафини
Мафините се идеални за пикник затоа што можете да подготвите разни видови и доволни количини за сите присутни. Тие се подеднакво практични во солена верзија со сирење, шунка, зеленчук и зачини, како и слатки со овесна каша, грчки јогурт, банана и парчиња чоколадо.
Овошје
Сезонското овошје е секогаш добра идеја! Искористете ја претстојната сезона на јагоди, цреши и вишни, кои е доволно само да ги измиете и ставите во кошницата. Ако имате време, исечете неколку видови овошје, зачинете со сок од лимон и измешајте ги во сочна овошна салата.