Дали го знаевте значењето на најзастапени бои на велигденската трпеза?
Во согласност со традицијата, прво го боиме црвеното јајце, кое служи како чувар, а потоа ги украсуваме јајцата во различни нијанси и внесуваме во домот празничен дух и радост за најголемиот христијански празник. Сепак, според некои верувања, како ги фарбате јајцата има значење.
Црвена боја
Црвените јајца се врзуваат за крвта на Христос, затоа симболизираат љубов и жртва за доброто на човештвото.
Виолетова боја
Виолетова отсекогаш претставувала синоним за кралство, па затоа се верува дека привлекува богатство.
Зелена боја
Бојата на природата, тревата и лисјата ја симболизираат надежта, нов почеток, повторното раѓање.
Розова боја
Се врзува со разиграност и расположение, како и со нешто ново и свежо.
Светло сина боја
Оваа нијанса на сина боја е симбол на рајот, водата и небото, а заради јасното и чистото сино небо се врзува со пролетта, што означува нов почеток и хармонија.
Жолта боја
Со оглед на тоа што се врзува за сончевата светлина, таа носи радост.
Портокалова боја
Оваа боја симболизира надеж и можност за нов почеток.