Вкусни вафли со какао, одлични за саботно попладне!

31 октомври, 2020
вафли

Подгответе го овој вкусен специјалитет и уживајте.
Саботното попладне е идеално за лежење во кревет но и за ваква блага и вкусна закуска. Овој рецепт за вафли од чоколадо можете да го послужите со мед, џем, намаз од чоколадо и овошје – изборот е ваш!

Состојките се доволни за четири порции, а за подготовка ќе ви треба помалку од половина час.

Состојки:
-280 гр брашно
-50 гр какао
-4 лажички прашок за пециво
-Половина лажичка сол
-3 јајца
-400 мл млеко
-80 мл сончогледово масло
-2 лажици шеќер
-2 лажици кафеав шеќер
-1 лажичка екстракт од ванила


Подготовка:
Во едниот сад измешајте ги брашното, какаото, прашокот за пециво и солта, а во другиот измешајте ги жолчките со шеќерот, додадете ги маслото, млекото, шеќерот и екстрактот од ванила.Одделно измешајте ги белките. Додадете ја смесата со брашно во жолчките и промешајте, а потоа внимателно промешајте ги белките.Печете ја смесата во апарат за вафли. Послужете додека е сè уште топло.