Популарната апликација за разговор сега овозможува пораките да се препраќаат до најмногу пет лица или групи, велат од Фејсбук.
Facebook воведе ограничување на бројот на проследени пораки во Messenger. За да се забави ширењето на дезинформации, секој корисник е ограничен на препраќање на една порака до максимум пет лица или групи одеднаш, пренесува MakeUseOf.
Во блогот на Фејсбук „About Facebook“, директорот за управување со производи на компанијата Џеј Саливан официјално најави воведување на нова мерка што треба да го забави ширењето на дезинформации за „Ковид-19“ и претстојните претседателски избори. .
Да потсетиме, претходната граница на препраќање беше 150 лица или групи одеднаш, пренесува Тпортал.
Фејсбук воведе и слично ограничување на WhatsApp во април годинава, ограничувајќи ја можноста за препраќање таму. Новото правило ги спречува корисниците да проследуваат пораки што веќе биле проследени пет пати. Мерката беше воведена како и одговор на циркулацијата на лажни вести.
Во објава на Фејсбук, Марк Цукерберг истакна дека ограничувањето на проследувањето на WhatsApp помага да се запрат лажните вести.