За милионите на Лагерфелд се борат на суд две жени, пет мажи, но мачката има најдобри шанса
Карл Ото Лагерфелд беше германски моден дизајнер, креативен директор на „Шанел“, уметник и фотограф, кој целиот живот го помина во Париз. Роден е на 10 септември 1933 година, а почина на 19 февруари 2019 година, на 85-годишна возраст.
Славниот дизајнер почина пред нешто повеќе од една година од карцином на панкреасот, а тој остави зад себе наследство достојно за титулата „император на модата“, која ја носеше долго и успешно, со силна доза ексцентричност, дрскост и способност да провоцира различни чувства кај сите.
Од една страна, тоа беше чувство на восхит на креативноста и визијата, од друга страна, еден вид гадење за неговите непријатни, отровни изјави и егоизам.
Лагерфелд го водеше „Шанел“ 36 години, но тој исто така нацрта, фотографираше и утврдуваше трендови во сè. Солзите за него сè уште не се исушија кога се водеше дискусија за тоа кој ќе го наследи неговото богатство, кое според различни извори се проценува меѓу 200 и 300 милиони евра.
На крајот, можната листа на наследници, беше сведена на две жени, пет мажи и една мачка, Чупет (Слатка), која во последните години од неговиот живот беше голем и важен дел од животот на дизајнерот. Неодоливата мачка е во центарот на правната битка што може да трае со години.
Човекот кој можеше да ја реши збунетоста околу големината на богатството на Лагерфелд е 87-годишниот дизајнер сметководител Лусиен Фридлердер, кој исчезна од очите на јавноста и кој точно знае колку се крие на сметката на Лагерфелд.
Наследниците се расправаат за тоа кој на Лагерфелд му се допаднал повеќе и колку пари ќе добие секој, а тие исто така се закануваат со тужби во случај еден од нив да не биде задоволен од поделбата.
Во тестаментот се наоѓа и Себастијан Јондо, поранешен боксер, кој стана модел и кој беше со Лагерфелд две децении. Тој беше и телохранител и возач, а исто така велат дека тој седел во смртната постела на дизајнерот, држејќи ја раката до последен момент од животот.
На списокот се наоѓа и Британецот Џејк Дејвис, уште една машка муза на дизајнерот и лице на голем број на неговите кампањи и модни ревии.
Керолин Лебар и Франсоа Касот исто така чекаат за нивниот дел од парите. Лебар работеше за него повеќе од 30 години, таа ги водеше неговите ПР комуникации, а во последниве години дел од нејзината работа е да се грижи за мачката.
Франсоа Касот беше негова водителка, а подоцна и дадилка на мачката. Таа се грижеше за профилите на мачката на социјалните мрежи, како и да ги задоволи сите нејзини потреби, од здравствена заштита до гурмански оброци. Мачката Шупет моментално живее со неа.
Бред Крониг, модел кого Лагерфелд го запозна за време на снимањето на рекламата за „Abercrombie & Fitch“, и неговиот син Хадсон Крониг, на кого Лагерфелд беше кум, го затвораат списокот на наследници.
Крониг беше омилен модел на Лагерфелд со години, тие соработуваа на многу проекти, а неговиот син Хадсон имаше две години кога неговиот кум Карл прв го ангажираше за модната ревија на Шанел. Тој го нарече момчето „мојот мал принц“.
Патем, мачката Шупет има 265.000 следбеници на Инстаграм. Дизајнерот честопати велеше дека ќе остави сè што има на својата мачка, за која рече и дека ќе се ожени со неа ако тоа е законски можно.
Според францускиот закон, Чупет не може да биде наследничка затоа што не е човек. Наследникот може да биде правно или физичко лице.