Плетените фустани се едно од најпрактичните парчиња облека за есен и зима – топли се, не се грижите за остатокот од комбинацијата, а со избраните обувки, капут или јакна ќе бидете забележани каде и да сте.
Овој тип на фустани беше популарен во претходните сезони, но се чини дека изборот на модели сега е побогат.
Покрај широките, кои ги сакаат тинејџерките, се носат и малку опуштени фустани кои ја следат линијата на телото и наликуваат на подолги здолништа или предимензионирани џемпери.
За дамите со идеална фигура, најбогата е понудата – тесните модели доаѓаат со интересни решенија – голи раменици, ниски, различни должини.
Одржување – перење и сушење
Плетените фустани, особено ако се од волна, треба да се перат рачно со благ шампон или специјален детергент во вода не потопла од 30 степени.
Акрилните плетени алишта не се толку „тешки“ за одржување, лесно се перат и не бараат посебни детергенти, но задолжително проверете и одберете ја соодветната програма за машинско перење.
Производите од мешано предиво може да се перат и во машина на пониска температура.
За да го избегнете ризикот од истегнување на предивото при сушење, исцедете ја облеката, ставете ја на крпа и завиткајте во валјак. Наместо пеглање, подобро е да ги внесете во бањата, оставете ги да пуштете топла вода и со пареа да ги исправите здужваните делови.
За студените денови облечете фустани со ролка со чизми над коленото и нема да погрешите ако тоа е ваш избор и за деловен состанок.
Можете да ги стилизирате со патики и пократко сако, а што се однесува до бојата, нема ограничувања.
Белата, црната, сивата, крем, па дури и зелената и бордо боја ќе го освежат вашиот есенски стил.