Долг црн фустан со отворени раменици – одличен избор за трудници: Софија Милошевиќ го покажа стомачето во гламурозно издание

На фотографиите кои ги сподели на социјалните мрежи манекенката позира во сведен но ефектен фустан, додека со рацете нежно го држи трудничкиот стомак.

Манекенката, дизајнерка и сопруга на фудбалерот Лука Јовиќ, Софија Милошевиќ на својот Инстаграм профил сподели фотографии во црн фустан на кој се наѕира трудничкиот стомак.

Таа позираше во долг црн фустан кој ги откри нејзините раменици. Поради дизајнот, прерамките на фустанот се спуштаа на надлактиците и на тој начин ги истакнаа клучните коски и деколтето, кое обично е една од најатрактивните области на женското тело.

Со сето ова таа реши да искомбинира розови сандали кои имаа тенки ремени, а со овој модел на обувки евоцира свечен стил кој одлично им прилега на трудниците во вториот триместар од бременоста.

Софија му се заблагодари на модниот бренд „Club L London“ за нејзиниот изглед.

Инаку, манекенката на многу интересен начин објави дека е бремена по втор пат. Имено, таа сподели фотографија од едиторијал за моден магазин:

– Едвај чекав да ја споделам оваа добра вест со вас! Многу сум горда што сум првата трудница на насловната страница на магазинот Elle – напиша Софија Милошевиќ и така стави до знаење дека е бремена по втор пат.

Да се потсетиме, Софија и Лука неодамна го прославија првиот роденден на својот миленик Алексеј, а кога станува збор за јавно изложување на децата, манекенката има јасен став.

– Мислев дека нема да го покажам своето дете бидејќи знам како е да се експонираш во јавност и мислам дека мојот син има право утре да одлучи дали ќе биде дел од тој свет или не. Но, Лука е некој кој е многу горд на своите синови и не можеше да издржи, а потоа едноставно се откажав. – истакна таа неодамна за медиумите.