Појадокот е многу важен оброк – може или да ви го разубави денот или да ви го уништат.
Ова се најчестите намирници кои се јадат како прв оброк, а треба да се избегнуваат бидејќи телото нема да го добие она што му е потребно за да го започне денот.
Пецива
Наједноставно решение за појадок, особено за оние кои се на работа и немаат време да се хранат здраво, се различните пецива од пекарата. Сепак, печивата не се добри за нашиот организам бидејќи тогаш внесуваме многу адитиви, бело брашно, сол, шеќер и масти кои не ни се потребни, а не ги внесуваме нутритивните вредности кои се неопходни.
Овошни сокови и овошни јогурти
Без разлика на натписите на амбалажата, купените сокови се полни со шеќер и не треба да го започнувате денот со нив, а исто е и со овошните јогурти, како и со оние со помалку млечни масти. Експертите тврдат дека млечните производи со малку маснотии не содржат доволно протеини и затоа гладот побрзо ќе се почувствува.
Обилен појадок
Класичниот појадок вклучува пржени јајца, виршли, сувомеснати производи, сирења и слична храна. Меѓутоа, големите количества на масти од толку калоричен појадок не се здрави и ќе завршат таму каде што не сакате – а тоа е во масното ткиво. Исто така, телото нема да ги добие потребните витамини, минерали и влакна. Затоа, доколку сакате јајца за појадок, најдобро би било да ги сварите и да ги комбинирате со тост и чај.