Како сами да исчистите тапациран мебел: Една работа која ја имате дома делува како магија!

Со оглед на тоа што аголниот тросед, каучот или било кој тип софа во дневната соба зазема централно место во оваа просторија и значи многу за целокупниот изглед на ентериерот, тогаш секако е важно секогаш да бидат беспрекорно чисти.

Домаќинките ќе се согласат дека чистењето на тапациран мебел никогаш не е лесна работа, особено сега кога времето е студено, а процесот на сушење е многу побавен.

Повеќето на крајот одлучуваат да потрошат прилично голема сума пари и да го однесат мебелот на длабинско перење.

Сепак, мебелот можете да го исчистите и освежите само со една работа. Таблетите за миење садови се исклучително разновидни средства за чистење кои ќе ви бидат корисни дури и ако немате машина за миење садови.

Пред да започнете со чистење, треба темелно да го исчистите мебелот со правосмукалка. Можете да користите специјални додатоци, како четки за чистење мебел, а особено е важно да се внимава на недостапните делови од мебелот во кои влегуваат трошки, остатоци од храна, хартии и друга нечистотија.

Сега кога мебелот е чист, следи последен чекор.

Во подлабок пластичен сад ставете една таблета за миење садови и прелијте ја со околу половина литар млака вода.

Таблетата сама ќе се раствори. Чиста памучна крпа натопете ја во вода, а потоа завиткајте ја околу капак за тенџере со средна големина и втријте ја на мебелот.

Доколку има постојани дамки на мебелот, пред триење можете да посипете малку сода бикарбона.

Повремено плакнете ја крпата во водата во која сте ја раствориле таблетата, а потоа продолжете со чистењето.

Мебелот брзо ќе се исуши, а резултатот сигурно ќе ве воодушеви.