Млеко, чај или сок од вишни: Пијалоци кои ќе ви помогнат да се справите со НЕСОНИЦАТА
Премалку или премногу спиење е поврзано со зголемен ризик од депресија, дијабетес, срцеви болести, па дури и смрт. Но, спиењето барем 7 часа секоја ноќ, не е секогаш лесна цел. Среќа постојат различни пијалоци кои потикнуваат спиење, пренесува порталот HealthLine.
- Сок од вишни
Вишните се многу здрави, покрај останатото и позитивно влијаат на квалитетот на сонот. Се верува дека тоа му го должат на триптофанот кој се наоѓа во ова овошје.
Една студија покажала дека пиење на две чаши (480мл) сок од вишна секој ден за време од две недели, го зголемува вкупното време за спиење на плус 84 минути и помага во лечење на симптомите од несоница кај возрасните личности постари од 50 години.
- Чај од камилица
Чајот од оваа билка се конзумира со векови. Има повеќе здравствени бенефити, вклучувајќи ублажување на симптомите за настинка, намалување на воспаленија и подобрување на здравјето на кожата. Некои истражување сугерираат дека камилицата може да го подобри и квалитетот на сонот.
Едно истражување направено помеѓу 60 повозрасни личности, открило дека конзумирање 400 милиграми екстракт од камилица, 28 дена по ред, го подобрува квалитетот на сонот.
Друго истражување, спроведено помеѓу 80 жени кои имале намален квалитет на сонот, до шло до резултат дека телесните симптоми за недостаток на сонот, значително се подобриле откако учесниците во истражувањето пиеле секој ден пиеле чај од камилица.
- Чај од ашваганда прав
Ашваганда има репутација на моќна лековита билка. Понекогаш го викаат и индиски џинсенг или змиска вишна.
Екстрактот направен од корени, бобинки и листови од билки, се употребува за лечење на стрес, тегоби и артритис.
Ашваганда традиционално се користи во ајурведски пракси. Коренот содржи споеви за кои се верува дека го потикнуваат сонот.
Едно истражување на глувци утврдило дека е триетилен гликон, активна компонента на листови од ашваганда, која ја потикнува N-REM фазата на сонот во која телото регенерира ткиво и коски.
Во истражувањето на луѓе покажало дека оваа билка му помага на телото да се припреми за одмор, како и да го подобри квалитетот на сонот.
Иако овој чај е сигурен за повеќето луѓе, некои би требало да бидат внимателни. Тоа ги вклучува личностите со автоимуни пореметувања, бремени жени или доилки, дури и личности кои земаат лекови за крвен притисок, шеќер во крвта или болест на тироидната жлезда.
- Чај од нане
Нането веќе со години се користи во традиционалната медицина. Се смета дека има антивирусни, антимикробни, па дури и антиалергенски својства. Нането исто така може да помогне кај гастроинтестиналните состојби како лошиот дигестивен тракт и синдром на иритабилно црево.
Иако се покажа дека помага за ублажување на вознемирениот желудник во вечерните саати, потребно е повеќе клинички испитувања за да се утврди на кој нацин директно влијае на сонот.
Чајот од нане е сигурен, но доколку зимате било каков лек, консултирајте не со доктор пред конзумирање.
- Топло млеко
Можеби звучи како бајка, но многумина препорачуваат топло млеко за полесен сон. Всушност, млекото содржи триптофан кој природно го зголемува серотонинот кој е познат како хормон на среќата.
Едноставно кажано, триптофан го зголемува продуцирањето на серотонин, што го зголемува продуцирањето на мелатонин. Мелатонин може да го подобри сонот и помогне во борбата против различни пореметувања со спиењето, вклучувајќи и „jet lag“, пореметување во спиењето поради работа во смени и несоница.
Повеќето испитувања отркија дека топлото млеко може да го подобри квалитетот на сонот, но потребни се понатамошни студии за да се потврди ова тврдење.
Освен ако не сте нетолерантни на лактоза или имате алергија на млеко, нема штета од тоа да пиењето чаша млеко ви стане ритуал пред спиење.
- Златно млеко
Златно млеко е спој од млеко и куркума.
Со оглед на тоа млекото што содржи триптофан, може да зголеми продуцирање на мелатонин кој е примарен хормон кој го регулира циклусот на спиење. Куркумата е богата со куркумина која може да ублажи некои причинители за лош сон, намали воспаленија и лечи симптоми на анксиозност и депресија.
За да направите златно млеко, комбинирајте пола чаша млеко, една лажичка куркума, едно мало парче ѓумбир и една лажичка мед. Загрејте ја мешавината и оставете да стои три до пет минути.
Секоја состојка на златното млеко се смета за сигурна. Сепак, поединци кои земаат одредени лекови, вклучувајќи ги оние за разредување на крвта и намалување на желудочните киселини или лечење на дијабетес, требаат да бидат внимателни со куркумата и ѓумбирот.
- Бадемово млеко
Бадемите се јаткасти плодови полни со влакна, витамини и минерали, а бадемовото млеко е кремаста, јаткаста алтернатива на кравјото млеко.
Бадемовото млеко содржи многу минерали кои потикнуваат спиење, вклучувајќи триптофан, мелатонин и магнезиум.
Последните години магнезиумот се покажал корисен за лечење несоница, посебно кај старите личности.
Со оглед на тоа дека бадемовото млеко се прави од цели бадеми, луѓето со алергии на јаткасти плодови, треба да го избегнуваат бадемовото млеко.
- Смути од банана и бадем
Бананите се уште една намирница со висока содржина на магнезиум, триптофан и мелатонин.
Тие исто така имаат висока концентрација на калиум, а калиум и магнезиум се два минерали кои ги опуштаат мускулите.
Комбинирајќи банана и бадемово млеко во смути, можете да направите триптофанска и мелатонинска „бомба“ која би може да ви помогне во намалување на симптомите за несоница.
Доколку имате алергија на банани или бадеми, смути како ова е здрав и вкусен начин да го завршите денот.