Не ви треба ни миксер: Чоколаден колач кој се прави за час!

Доколку сакате да ги изненадите гостите, семејството или, само самите себе, пред вас е вкусна чоколадна торта за чија подготовка не треба ни да вадите миксер! Само измешајте ги состојките, добро измешајте со жица и оставете во рерна да се пече.

Состојки:

250 грама чоколадо
3 јајца
200 грама путер
80 грама брашно
80 грама какао
150 грама шеќер
лажица прашок за пециво
лажица екстракт од ванила
прстофат сол

Подготовка:

Прво растопете ја чоколадата, а потоа додадете путер и промешајте. Додадете ги јајцата и ванилата и добро изматете со жица за матење. Додадете и шеќер.

Во посебен сад измешајте ги другите суви состојки: брашно, прашок за пециво, сол и какао. Додадете во првата смеса.

Истурете ја смесата во калап и печете до половина час на 180 степени. Посипете со шеќер во прав, слатка павлака или прелијте со растопено чоколадо по желба.