Не ја занемарувајте ПЕТТАТА ставка од оваа листа ни во лудило: Еве како да го натерате партнерот повторно да се заљуби во вас

Некои мали гестови, потези и реченици често остануваат само во почетната фаза на љубовта, а многу е важно да ги негувате додека врската напредува за да биде посилна и редовно да ја подгревате заљубеноста.

Нема ништо чудно во тоа што човечката раса очајно бара љубов и дека љубовниците често се чувствуваат како да не се целосно свои – заљубувањето ги создава истите материи кои се произведуваат во телото при конзумирање на дроги кои предизвикуваат зависност. Ако не се негува, како и секоја дрога, по некое време чувството на екстаза со некого и заљубеноста почнува да стивнува. Среќната врска исполнета со возбуда и насмевки полека згаснува додека едниот или и двајцата целосно не го изгубат интересот: веќе не ни е гајле што има да каже другата страна, сексот се случува поретко и е помалку возбудлив, кавгите се, од друга страна, се почести.

Како тогаш да го негувате тоа чувство како од почетокот на врската? Како да ги поттикнете допаминот и ендорфинот да растат повторно кога се допирате, гледате, зборувате?

Зборувајте за него или неа

Секој пат кога партнерот ќе ве воодушеви со нешто, кажете го тоа отворено, без разлика дали сте сами или во друштво. Помисливте дека е интелигентен, духовит, интересен? Тогаш зошто да не се каже јасно? Дури и ако сте во група на луѓе и може да создадете малку непријатна ситуација, на сите им се допаѓа кога добиваат комплимент, нели?

Пишувајте си еден на друг

На почетокот на врската обично се допишуваме со часови и заспиваме насмеани држејќи го телефонот во рака. Пресликајте го тој образец дури и кога врската е оддалечена од оваа почетна фаза – пратете и симпатична порака на другата страна без причина, од чист мир, споделете мисла или намера. Зарем не би ви било мило кога ќе ја отворите пораката наместо „Не заборавај да купиш масло “ да прочитате „Утрово беше преубава“?

Дајте си простор еден на друг

Иако во првите љубовни денови изгледа како никогаш да немаме доволно заеднички моменти, откако ќе се навикнеме обично ни треба малку простор. Така е и со мажите и со жените, па затоа е важно да знаете кога треба да го оставите партнерот да биде сам со себе или со пријателите и да се посветите на работите што им угодуваат наместо да ги гушите.

Побарајте мислење

Сите сакаме да решаваме проблеми, сите сакаме да се цени нашето мислење! Затоа е секогаш убаво кога нашиот став, совет или искуство некому значат, а се чувствуваме почитувани кога емотивниот партнер ќе донесе важна одлука, земајќи нè во предвид и нас, нели?

Зачинете го вашиот сексуален живот

Ако сè во креветот станало малку застарено и предвидливо, одговорот за тоа како да ја решите оваа „неволја“ е едноставен: донесете нешто ново. Овој совет можеби не е изненадување, но често ги забораваме изненадувањата кога сме меѓу чаршафите, а тоа може да бидат ситници кои целосно го менуваат искуството во сексот и на крајот на краиштата поврзување на две лица и зајакнување на интимноста. Признајте некои од вашите желби, задоволете го партнерот во нешто за што тој фантазира. Бидете креативни и слободни и ве очекува многу среќа – и во сексот и неповрзано со него.