Цеца се пофали со огнено скапи алишта! Само едно парче чини речиси 8.000 евра

Скапата бордо чанта одлично се вклопува со чизми во иста боја

Фолк ѕвездата Цеца Ражнатовиќ се пофали со чизми и чанта од познат бренд, за кои искеширала неколку илјади евра.

Пејачката многу се грижи за својот изглед и ги следи најновите трендови, често избира елегантни и едноставни стајлинзи, а не штеди пари за брендирани парчиња облека.

Цеца на својата инстаграм приказна се пофали со скапа бордо чанта и чевли во иста боја.

Станува збор за класичен модел на „Шанел“ кој никогаш не излегува од мода, а чија цена од година во година расте. Како што сега се наведува на официјалната веб-страница на овој бренд, цената на чантата што самата Цеца си ја дозволила е 7.762 евра.

Нема дилема дека Ражнатовиќ ќе блесне во новите чевли и чанта на некој од претстојните настапи или можеби на снимањето на шоуто „Ѕвезде Гранда“.

Да се потсетиме, Цеца неодамна се пофали со чевли од светски познат бренд чија цена е околу 1.100 евра. Чевлите се во беж боја, со мрежа и светкави детали, а ги купила во Виена, каде што пазарела пред спектакуларниот концерт што го одржала таму.