Неодамна во Сан Франциско се одржа премиерата на четвртото продолжение на култниот филм „Матрикс“.
На црвениот тепих прошетаа неговите ѕвезди, пред се Кијану Ривс, Фрима Агјеман и Пријанка Чопра, но и Џејда Пинкет Смит, сопругата на Вил Смит, која на црвениот тепих пристигна со синот Џејден.
Избричена глава и во необична црвена креација со впечатлива обетка на едното уво, Џејда го привлече вниманието како и секогаш, како и нејзиниот син за кој често може да се слушне дека славата им ја должи исклучиво на славните родители, исто како и неговата сестра Вилоу. Но, ова не се ниту првите ниту последните деца на познати родители кои направиле профитабилни кариери на сметка на познатото презиме.
Но, да се вратиме малку подалеку на 50-годишната актерка која има и свое шоу „Red Table Talk“. Со Вил е во брак од 1997 година, а дури оваа година отворено признаа дека имаат отворен брак, односно дека спијат со други луѓе.
„Таа порасна на поинаков начин од мене. Имавме неколку долги дискусии за тоа што е совршена врска. Кое е идеалното однесување за парови? Најдолгиот период од нашата врска беше сведен на моногамија, но не го сметавме за единствена совршена врска“, изјави Смит во септември оваа година.
„Ние си дадовме доверба и слобода. Бракот не може да биде затвор за никој од нас. На никого не му предлагам да тргне по патот што сме го тргнале, никому не го препорачувам овој избор, но искуствата низ кои поминавме, а нашата слобода и безрезервната поддршка што си ја дадовме, ни донесоа само благослови. . За мене тоа е највисоката дефиниција за љубовта“, објасни Вил Смит.
Да потсетиме, минатата година пејачот Аугуст Алсина изјави дека неколку години ужива во љубовта со Џејда и дека се зближил со целото нивно семејство преку синот Џејден.
Смит, наводно, го одобрил сето тоа, а тој самиот признал дека не била само таа која имала односи со другите. Сепак, поминаа низ тежок период и решија да се разделат на одредено време, но на крајот ги надминаа проблемите и продолжија со својот неконвенционален брак.