Сигурно ви се случило еднаш да истурите кафе, а потоа да барате начин да ја отстраните дамката
Многу пијалоци содржат танини кои се лепат на материјалот, па затоа тешко се отстрануваат.
Еве неколку начини како да се ослободите од тврдоглавите дамки од кафе:
Облека
Со помош на сунѓер натопен во ладна вода, лесно навлажнете ја дамката или натопете ја облеката во ладна вода 30 минути. Претходно третирајте ја дамката со отстранувач на дамки и измијте со хлор или белило на база на кислород, ако е безбедно за ткаенината. Ако во кафето имало млеко или павлака, задолжително користете детергент со ензими кои ќе ви помогнат да ги разбиете дамките, како течен детергент.
Навлаки и тапациран мебел
Измешајте половина лажичка детергент за миење садови со две чаши ладна вода. Натопете ја дамката со споменатата течност со чиста, бела крпа. Повторете додека да исчезне дамката, и на крај уште еднаш поминете со сунѓер натопен само во вода на истото место и исушете.
Тепих
Впијте што повеќе кафе од тепихот со крпа. Потоа измешајте половина лажичка течност за миење садови, половина лажичка бел оцет и 2 чаши топла вода. Со чиста, бела крпа втријте ја смесата во дамката. Нанесувајте малку по малку и често впивајте ја течноста со крпа додека не исчезне дамката. На крајот пристапете со крпа натопена во ладна вода и исушете.