Канаѓанката Шантел Браун Јанг, попозната во светот на модата како Вини Харлоу, ги освојува светските модни писти и покрај специфичниот изглед и депигментација на кожата, професионално наречена „Витилиго“.
Овој недостаток, покрај нејзината неверојатна харизма и извонредна убавина, ја доведоа до најпрестижните дизајнери и брендови, а сега е заштитно лице на модната компанија „Desigual“, како и на иновативната кампања на брендот „Diesel“. Вини своевремено беше натпреварувачка во популарното шоу „Americas Next Top Model“ во кое го покажа својот потенцијал.
Вини често можеме да ја видиме на престижни светски настани, а овој пат папараците ја фотографираа на роденденската забава на раперката Доџа Кет, која беше инспирирана од американскиот празник „Ноќ на вештерките“.
Моделот беше многу провокативно облечена, а чипка и свила едвај го покриваа нејзиното тело.
Токму ваквиот стајлинг предизвика бурни реакции на социјалните мрежи, додека едни го поддржаа контроверзното издание, други сметаат дека ваквите костими не ѝ прилегаат на светскиот модел, дури и да се работи за професионална трансформација.
