Холивудската актерка Марго Роби, додека се подготвува за филмот за легендарната кукла Барби, се придржува до многу строги диететски правила со цел фигурата да ја доведе до совршенство.
Основниот принцип на оваа диета е многу малку јаглехидрати и нема слатки.
„Доручкувам овесна каша и шејк за појадок за да го зајакнам имунитетот, јадам пилешка салата за ручек, шницла од туна и сладок компир за вечера. Во текот на денот, пијам чај, со кој сум опседната откако живеам во Велика Британија “, изјави актерката Марго Роби додека се подготвуваше за нова улога во која линијата мора да се доведе до совршенство.
Нам не ни изгледаше како премногу жртвување, па нутриционистката Бранка Мирковиќ објасни дали и како е избалансирана диетата на холивудската sвезда.
„Актерката ги внесува сите потребни хранливи материи, што е многу важно, бидејќи покрај намалувањето на тежината, важно е да се одржи енергијата и да се отстрани вишокот на здрав начин, а во исто време да не се изгуби од свежината и убавиот изглед. Тука не знаеме за кои количини станува збор, ниту колку масло се користи за подготовка на храна, па може да се претпостави дека количините се мали и дека таквото намалување е многу тешко“ – посочува нутриционистот.
Таа додава дека секое драстично намалување на калориите доведува до забрзано слабеење, но мора да се внимава вкупниот внес на калории да не биде под одреден минимум.
„Доколку сакате да го примените овој начин на јадење, треба да користите помали количини масло, бидејќи тоа е потребно поради хормоните, а внесувањето за сите три оброци не треба да биде под 1.200 kcal. Здравите луѓе можат да ја држат оваа диета до три недели, па потоа ќе можат да продолжат со мало зголемување на калориите. Важно е овошјето што се јаде да биде различно во оброкот, како и зеленчукот што се користи во вториот оброк. Туната можете да ја замените со друга сина морска риба. Закиселете ја храната со свеж лимон и пијте многу течности, вода, лимонада, црн, зелен или билен чај“ – советува нутриционистката и додава дека се дозволени две кафиња без млеко и шеќер.
Планот за исхрана на нутриционистката Бранка Мирковиќ исто така дава план за диета доколку сакате да ја доведете својата фигура до совршенство според принципите на диетата Барби.
Појадок: Овесна каша со чие и овошје
Во тегла ставете 1,5 децилитри млеко од бадем, 1 лажица овесна каша и 1 лажичка семе, промешајте, затворете и оставете го преку ноќ во фрижидер. Наутро додадете 120 грама сезонско овошје. Може секој ден да се додаваат други овошја – јагоди, киви, половина банана, свеж ананас, портокал… Промешајте и појадокот е подготвен!
Совет: Основните состојки за една недела може да ги направите порано во седум тегли или во една голема и да издвојувате количина за тој ден секое утро. За да го направите појадокот поразновиден, во теглата можете да додадете цимет и рендано јаболко, додека какаото одлично оди со портокали и банани.
Ручек: Зачинета пилешка салата
Ставете лажичка масло и малку сув зачин во вреќа за замрзнување и тријте. Ставете на средина 120 грама филе од пилешко или мисирка, истријте и нежно истенчете со толчник од месо. Загрејте тава и пржете од двете страни на силен оган. Исецкајте пет лисја зелена салата, па потоа друг ден може да додадете пет прстени краставица, следниот ден три цреши домати, следните пет ротквици исечени на лисја, или само салата од 120 грама рендана млада зелка. Може да го подготвите преливот неколку дена однапред – истурете сок од еден лимон во тегла, додадете малку сол, додадете лажичка сенф, децилитар јогурт од 1% мм и две лажички масло. Протресете добро и ќе имате прелив за една недела. Протресете и истурете една лажица врз салатата секој ден пред употреба.
Совет: Пилешкото ќе има различни вкусови ако ги смените зачините што ги ставате во вреќата со масло. Можете да додадете малку кари или црвен пипер, мелен ким, чили пипер.
Вечера: Риба со компири
Подгответе 100 грама туна или некоја друга морска риба. Полесен начин е да користите туна во саламура. Гарнир е 120 грама варен сладок компир или обичен компир. Помалите парчиња компири секогаш се готват во врела вода. Во текот на неделата, можете да го менувате гарнирот, па наместо компири, згответе две лажици зовриен грашок или црвен грав, или 120 грама варен грав, 120 грама рендан свеж морков или корен од целер. Од зачините, користете само сол и лимон.
Совет: За да ја намалите количината на скроб, излупете го компирот, исечете го на четвртини и оставете го да отстои еден час во ладна вода за да излезе скробот, па гответе.